Greenpeace bundgarnersortarfinni ujarassualersuiniarpoq
Sverigemi nunalerinermut aalisarnermullu ministerip Eskild Erlandsson-ip siunissami saarulleqaannarsinnaanersoq aarleqqutigaa. Tassami avatangiisinik illersuiniaqatigiit Greenpeace saarullinniarnermut akerliullutik, Kattegatimi Hallandip sineriaanut bundgarnersortunut akornutaasussanik ujarassuarnik kivisitsiniarput.
Allattoq Najaaraq Egede
aggustip 09-at 2009 12:52
Ministeri isumaqarpoq, pissusilersorneq taamaattoq Danskit svenskillu Kattegatip ilaani saarullinniaqqusinngilluinnarnissamik isumaqatigiissutaannut innarliissasoq, imartat saarullit suffisarfigimmatigit.
Svenskit ministeriata upperaa, nunat allat suleqatigalugit saarullinniarnermik killilersuigaanni saarulleqassutsimut iluaqutaanerpaassasoq.
- Greenpeacep ujarassuarnik bundgarnersortarfinnut kiversaaniarnera namminissarsiorneruvoq aporaatsitsiniarnerullunilu. Siunissami suleqatigiinnissamut pisariaqartumut akornusiiginnassaaq, nutaarsiassani Dagens Nyheterini ministeri issuarneqarpoq.
- Nerioqaanga, Greenpeacep iliuuseriniakkani unitsissagaa, suleqatigiikkuttami aatsaat ajornartorsiutit anigorsinnaassavagut, Eskild Erlandsson oqarpoq.
