Nunatsinni suliffeqarfik inuussutissarsiutitigut aningaasaliisartoq Greenland Venture, Arctic Travel Groupimik piginneqataalerpoq.
Greenland Venture 3,7 millioni koruunit nalinginut piginneqataassutinik pisinermigut, Arctic Travel Group-imik piginneqataassutit tamarmiusut 23,5 procentiinik piginnittunngorpoq.
Greenland Venturep pisortaa Villy Jensen oqarpoq Greenland Ventures aatsaat taama amerlatigisunik aningaasaliissuteqartoq.
Suliffeqarfiuvugut nutarteqqammisoq maannamullu aatsaat taama amerlatigisunik aningaasaliivugut. Arctic Travel Group-imut aningaasaliinerput assigiinngitsunik peqquteqarpoq, tassa suliffeqarfiuvugut inuussutissarsiutitigut aningaasaliisartoq, Arctic Travel Group-illu tutsuiginartumik ingerlaneqarnera uagutsinnut pingaaruteqarpoq. Aamma soqutigaarput ATG-ip isertitaasa nunatsinnut iluaqutaanissaat.
Aningaasaleeqataanitta iluaqutissartaasa ilagissaavaat takornarissat amerlineri tamannalu aamma isumaqarpoq aningaasat nunatsinni kaaviijaartitat amerlissasut. Soorunamilu uagut suliffqarfiutittat iluanaaruteqarnissaa naatsorsuutigaarput.
Greenland Venture piginneqataassutinik pisinermigut ATG-p siulersuisuini ataatsimik ilaasortaatitaqalerpoq.