Greenland Venturemik piginnittuulersoq sukateriniarpoq
Greenland Venture suliffeqarfimmit Inuit Service Companymit pisiarineqarneratigut, inuussutissarsiutit ajornannginnerusumik siuarsarneqarnissaannut alloriarnerussasoq Naalakkersuisuinit qanittukkut oqaatigineqarpoq.
Ineriartornermut naleqqussarnermut atatillugu, suliffeqarfiit Namminersorlutik Oqartussanit pigineqartut, inuussutissarsiutinut aningaasaliinermik suliaqartut, ataatsimoortillugit eqaannerusunngortinneqarnissaat siunertarineqarpoq.
Tassalu Greenland Venturep saniatigut Kalaallit Nunaani takornariartitsivik aamma Greenland Development pineqarput.
Greenland Venture sulliffeqarfimmit Inuit Service Companymit pisiarineqarmat, sulliffeqarfik taanna nunatta karsianut 70 millioni koruuunik akiliivoq. Aningaasaqarmullu inatsit taamaalilluni oqimaaqqatigiittumik inissisimalerpoq.
Aningaasaqarnermut Naalakkersuisoq Palle Christiansen ippassigami radioaviisimi oqarpoq, Greenland Venture nammineq isumani malillugu meerarsiaasoq ajornartorsiortitsisoq, suliffeqarfimmullu Inuit Service Companymut meeravissanngortinneqartoq.
Greenland Venturep, aningaasarpassuarnik annaasaqarsimasup, sukannernerusumik aqunneqartariaqarpoq, Palle Christiansen isumaqarpoq.
Suliffeqarfiup Inuit Service Company Greenland Venturemik piginnittuulersup pisortaa Karsten M. Høy aperaarput, suliffeqarfimmik ajornartorsiorfiusumik tigusinera qanoq igineraa.
- Kalaallit Nunaanni inuussutissarsiutitigut siuarsaanissamut sunniuteqataanissamut periarfissaqalissagama qilanaartorussuuvunga. Uannut suleqatinnullu Naalakkersuisunik suleqarluta suliap suliarineqarnissaanut soqutinarpoq, Karsten M. Høy oqarpoq.
Greenland Venturep pisiarineqarneranut akigitinneqartoq 70 millioni koruunit Karsten M. Høyip tyulluartuusutut isigaa.
Suliffeqarfiup Greenland Venturep nalinga, kukkunersiuisoqarfimmit avataaneersumit aalajangerneqarpoq, tassalu avataaneersunit nalilisoqarmat aki eqqortoq akiliutigineqarpoq isumaqarpunga, Karsten M. Høy oqarpoq.
ISC iluanaaruteqalernissamut sivisuumik utaqqinarsinnaasunik aammalu nalorninartunik kinguneqarsinnaasunik aningaasaliisartussaavoq, aningaasaliiffigisaasa ilaat imminut akilersinnaanngitsumik ingerlatsisinnaasut.
Inuit Service Company suliffeqarfinnik inuussutissarsiortuni siuarsaanermik suliaqartunik allanik ingerlartsilersinnaanersoq, pisortap Karsen M. Høyip naluaa.
- Tamatuminnga piginnitsvut aalajangiiterusunneruakka. Greenland Venturep ingerlallualernissaa maanna nakuniarnarneruvoq, piginneqatigiiffiilli atatsimoortilernerisigut periarfissaasinnaasut takorloorluarsinaavakka, Inuit Service Companymi pisortaq Karsten M. Høj oqarpoq.
Inuit Service Companyp suliassaraa, Namminersorlutik Oqartussat MT Højgaard-illu pigisaanni, Greenland Contractorsimi, Namminersorlutik Oqartussat soqutigisaat aallutissallugit.
Inuit Service Company aamma Nunatsinni nukissioteqarnikkut inerliartortitsinermi suliassanik assigiinngitsunik naammassinnittarpoq.
Greenland Contractors piginneqartigiiffiuvoq, amerikamiut sakkutuuisa mittafianni Thule Air Basemi Pituffimmiittumi ingerlatsinermik pilersuinerrmillu suliaqartoq.
