Greenland Venture piginneqataassutsinik milionilinnik pisisoq
Greenland Venture Hudson Resourcesimut, aatsitassanik anorthosinik piiaasussamut, millionerpasssuarnik aningaasaliivoq.
![](/sites/default/files/styles/image_934x467/public/article_images/foto_hudson_resources.jpg?itok=B_H90TU3)
Allattoq Kenneth Elkjær
Greenland Venture Hudson Resourcesillu akornanni sivisuumik isumaqatigiinniartoqareersoq piginneqataassutsinik pisineq pivoq. Greenland Venture tusagassiuutinut taama ilisimatitsivoq.
- Aningaasaliinertut pitsaasutut isigaarput pitsaalluinnartumik ineriartornissamik periarfissalik, Per Buhl Olsen Greenland Venturemeersoq oqarpoq.
Taanna Hudson Greenland A/S-imi, anorthosit piiaanissamut akuersissuteqartumut, siulersuisuini ilaalissaaq. Anorthosit ilaatigut glasfiberiliornermi ilaatigut atorneqassapput.