Greenland Venture A/S´-ip siulersuisui Igalikumi ataatsimiipput

Namminersornerullutik Oqartussat Inuussutissarsiutitigut Inerisaanermut Aningaasaliisarfiata siulersuisui Igaliku-mi sisamanngormat ataatsimiipput.

-Uagutsinnut nunaqarfimmiunullumi tulluunnarpoq qiimmaallannarlunilu aamma oqaatigiumasagut soqutigineqarlutik tusarnaarneqartut malugaarput, taama oqarpoq, Nunaqarfimmi Aqutsisut siulittasuat Klaus Egede oqarpoq.

Aningasaliisarfiup siulersuisuisa siulittaasut Gert Lynge Broberg oqarpoq upernaaq Ilulissani ataatsimiikkamik siunniussimagitsik atuisutik qaninnerullugit paasisassarsiuutigalutik ataatsimiittarnitik iluarsaanniarlugit.

Aningaasaliisarfiup siulittaasua Gert B. Lynge oqarpoq savaateqarfinni inoqarfinnilu allani inuussutissarsiutinik pilersitsiniartoqartillugu pioreersunilluunniit ineriartortitseqqittoqarniartillugu saaffigineqartarumaarlutik kissaatigigini. –Paasivara pissutsit atuuttut naapertorlugit allanut qinnuteqartoqartillugu ukiut arlallit utaqqeqqaartoqartariaqartartoq tamannalu pinngitsoortariaqarparput, oqarpoq Gert B. Lynge. Namminersornerullutik Oqartussat Inussutissarsiutitigut Inerisaanermut Aningaasaliisarfiani siulersuisut siulittaasuat Gert Lynge Broberg aamma oqarpoq, inuusuttut savaateqarfinnik tigusisussat sukkanerusumik sullinneqarsinnaanermik paasinnikkunik inuussutissarsiummut soqutinninerulersinnaasut.

Judith Hard Peilmann ilanngutassiamik suliarinnippoq,