The Greenland Project tapiiffigineqarnerpaassaaq
Qinnuteqarsinnaanissamut piffissarititat naaneranni tamanna paasinarsivoq.
Katillugit 197-it qinnuteqarsimapput, 52-illu aningaasaliiffigineqartussanngorlutik. Aningaasat katillugit 5,5 millionit koruunit missaat agguaanneqarput.
Suliniut ataaseq, tassa "The Greenland Project" tapiiffigineqarnerpaasussanngorpoq 750.000-it koruunit missaannik tapiiffigineqarami.
Kalaallit nipilersoriaasiat suliniummi qitiutinneqassaaq, oqaluttuallu ilitsersuisumit Schweitzimiumit Christoph Marthalerimit suliarineqassallutik.
Taanna isiginnaartitsivimmik aaqqissuisumik Anna Vibroekimik suleqateqassaaq.
Kulturikkut illorsuaq Katuaq, Stadsteatret i Stockholm, Festspillene i Bergen, Helsinki Festspel Danmarkimilu Det Kongelige Teater suleqatigineqassapput, soorlu aamma Wiener Festwochen ('festwoggen'), Volksbühne ('folksbyne')-Berlin aamma Théàtre de la Ville ('teaartra dø la vije') :o) Parisimiittoq suleqatigineqassasut.
Suliaq Kalaallit Nunaanni apriilip 27-anni takuteqqaarneqareerpat suleqatigineqartut siuliani taaneqareersut saqqummersitsiffiussapput.