Greenland Oil Spill Response A/S ukiumoortumik ataatsimeersuaqqammerpoq
Sinerissap avataani uuliasiornerit ikinnerusimapput naatsorsuutigisamiillu kingusinnerusumik uuliasiorsinnaatitsissutinik nutaanik tunniussinerit pissutigalugit isertitat naatsorsuutigisamit ikinnerusimallutik.
AAMMA ATUARUK Uuliakoortoqarnerani saliisussat: Upalungaarsimaneq pitsaanerulissaaq
Aammali erseqqissaatigineqarpoq Greenland Oil Spill Response ukiumi pineqartumi ulapissimasoq ingerlatarpassuaqarluni, tamatumani ilaatigut uuliaarluartoqarneranut akiuiniarnermi upalungaarsimanermilu avataani pikkorissartitsisimalluni, uuliaarluartoqarneranik akiuiniarneq pillugu Nunatsinni ilisimasaqassutsimik qaffaataasimasumik.
Greenland Oil Spill Responsep 2014-imi naatsorsuutai akileraarutit ilanngaatigereerlugit 228.587 koruuninik amigartooruteqarfiupput.
AAMMA ATUARUK Greenland Oil Spill Response A/S aallartilluarpoq
Ingerlatseqatigiiffiup siulittaasuata, Naalakkersuisut siulittaasuata Kim Kielsenip oqaatigaa, Greenland Oil Spill Responsep ukiumi naatsorsuutigisamit suliaqannginneruffiusumi ilaatigut sulisuni upalungaarsimanermilu sulisut allat Kalaallit Nunaata sineriaani uuliaarluartoqarneranik akiuiniarnermi ilinniartissimammagit nuannaarutissaasoq.
- Ajutoortoqaraluarpat taamaalilluta pinngortitatta kusanartup sunnerneqarnissaa killilersimaarsinnaavarput, Kim Kielsenip oqarpoq.