Greenland in Figures 2016 saqqummerpoq
Nunani allani ikinnguteqaraanni Kalaallit Nunaallu pillugu annerusumik paasisaqarusuttut, periarfissatsialammik maanna peqalerput.
Allattoq Karsten Sommer
marsip 08-at 2016 10:28
Nutserisoq Mads Lynge
Quppersagarmi kisitsisinik nunatsinni inuiaqatigiinnut tunngasunut imalik "Greenland in Figures 2016" Kalaallit Nunaanni Naatsorsueqqissaartarfiup 13-issaa maanna saqqummiuppaa.
Quppersagaq "Greenland in Figures 2016" 40-nik qupperneqarpoq, nassaruminartuullunilu, Arctic Winter Games 2016-imullu tulluarluinnarluni.
Quppersagaq peqqinnermut, nunanut allanut niuernermut, takornariaqarnermut isumaginninnikkullu ikiorsiissutaasartunut tunngasunik paasissutissanik nutartikkanik imaqarpoq.
Arctic Winter Games 2016-imut tulluarpoq, takornariarpassuarnulli Nunatsinnut ukiut tamaasa tikittartunut aamma iluaqutaalluni.
Quppersagaq "Greenland in Figures 2016" Kalaallit Nunaanni Naatsorsueqqissaartarfiup nittartagaanut pdf filinngorlugu aaneqarsinnaavoq.
