Greenland Expressip timmisartuussinerit unitsikkallarpai
Timmisartortitseqatigiiffik matunngitsoq, timmisartumilli allamik pissarsiniarneq pissutaasoq Greenland Expressimi pisortap, Gert Braskip oqaatigaa.
Greenland Express nammineq allappoq, angallassinerit pilersaarutit malillugit aallarsinnaanngitsut, billetsillu pisiarineqarsimasut sukkanerpaamik kontomut pisinermi atorsimasunut utertinneqassasut.
- Naamik matunngilagut. Timmisartuussisinnaanigut killeqarneri aarlerinartoqarneralu pissutaallutik timmisartumik allamik pissarsinialeruttorpugut, Greenland Expressimi pisortaq, Gert Brask, oqarpoq.
Aamma atuaruk Greenland Express isertitanut naleqqiullugu aningaasartuuteqarneruvoq
Aperineqarami timmisartortik taarsiinnarniarneraat Greenland Expressilu ingerlaqqissanersoq ima akivoq:
- Aap, timmisartoq taarsertariaqarparput massakkut putsertalerlunilu silarluttalernerani qanoq timmitigisinnaanerput killeqalerami, Gert Brask nassuiaavoq.
Gert Braski aamma oqarpoq timmisartortitseqatigiiffiup timmisartunik ingerlatisoq DenimAir suleqatiginnera taamaaginnassasoq.