Greenland Express tjekkiamiut timmisartuliaannik atuiniartoq
Timmisartortitseqatigiiffik Greenland Express nunatsinni illoqarfiit akornanni timmisartuussisalernissaminik Trafikstyrelsimut qinnuteqaatiminik suli akissutissarsinngikkaluarluni, timmisartoq qanoq ittoq atussamaarnerlugu saqqummiuteqqammerpaa.
Allattoq Simon Uldum -
maajip 07-at 2015 07:36
Timmisartup Tjekkiami sananeqartup Let L-410 Turboletip mittarfinnut naatsunut missinnaanini ilaatigut iluaqutigaa.
Greenland Expressip nunatta iluani timmissartuussilluni aggustip qaammataani 2015-imi aallartissinnaassalluni naatsorsuutigaa, illoqarfinnullu arfineq-marlunnut timmissartuussisarnissat maanna pilersaarusiorlugit aallartereerpoq, illoqarfiillu pineqartut tassaapput:
Nuuk, Upernavik, Ilulissat, Aasiaat, Sisimiut, Manitsoq, Paamiut kiisalu Kujataani illoqarfinnut qulimiguulimmik angallassisarniarluni.
AAMMA ATUARUK Greenland Express nunatta iluani timmisartuussisinnaanngortoq
