Knud Kristiansen aamma Gert Brask.Assi: Greenland Express Group

Greenland Express nunatta iluani timmisartuussisinnaanngortoq

Greenland Expressip nunatsinni illoqarfiit arfineq-marluk akornanni, ilaatigut Nuummut, aasap naajartulernerani timmisartuussilissalluni naatsorsuutigaa. Timmisartortitseqatigiiffik tusagassiorfinnut nalunaaruteqarluni taama allappoq.

Naalakkersuisut apriilip arfineq-aappaani 2015-imi ataatsimiinnerminni aalajangerput Greenland Express Kalaallit Nunatta iluani niuernermik aallaavilimmik ilaasunik timmisartuussisinnaanissaminnut naalakkersuinikkut akuersissummik tunineqassasoq. Tamatumunnga peqatigitillugu Naalakkersuisut ilanngullugu aalajangerput Greenland Express Kalaallit Nunatsinnut aammalu Kalaallit Nunatsinnit ilaasunik angallassisinnaanissaminut qinnuteqaataanut Angallannermut Aqutsisoqarfimmut tusarniaanermi akissummik akuersaartumik tunniussissallutik.

AAMMA ATUARUK Aluu Airlines Greenland Express Groupilu timmisartuussinissamut akuerineqartut

- Naalakkersuisut akuersaarlutik nalunaaruteqarnerat soorunami nuannaarutigeqaarput, Greenland Expressip pisortaa pilersitsisualu Gert Brask taama oqarpoq imalu nangilluni:

- Kalaallit Nunaata iluani timmisartuussinissamut akuerineqarnitsigut, ilaasuvut Billundimit Københavnimillu tikitassaannut timmisartuussinnaanngussavagut, Nunatsinniillu Danmarkimi mittarfissuarnut pingaarnernut marlunnut aamma angallassisinnaalissalluta. Akit pitsaasut atorlugit Nunatta Danmarkillu akornanni angalanissamut periarfissat nutaarluinnaat taamaasillutik ammaanneqassapput.

AAMMA ATUARUK Greenland Express maajip aqqarnganit timmisartuusseqqilissaaq

 

Illoqarfinnut arfineq-marlunnut timmissartuusserusuttoq 
Greenland Expressip nunatta iluani timmissartuussilluni aggustip qaammataani 2015-imi aallartissinnaassalluni naatsorsuutigaa, illoqarfinnullu arfineq-marlunnut timmissartuussisarnissat maanna pilersaarusiorlugit aallartereerpoq, illoqarfiillu pineqartut tassaapput: Nuuk, Upernavik, Ilulissat, Aasiaat, Sisimiut, Manitsoq, Paamiut kiisalu Kujataani illoqarfinnut qulimiguulimmik angallassisarniarluni.
 
Tamatumunnga peqatigitillugu nunatta iluani timmisartuussisarnissaminut suluusalinnik qulimiguulinnillu pisiortornissamik/attartornissamik isumaqatigiissuteqarnissani timmisartortitseqatigiiffiup naammassilerpai.

- Ingerlaarfissat, qanoq akulikitsigisumik angallassisarnissaq aammalu suluusallit qulimiguulillu sorliit atussanerlutigit juunimi saqqummiussaqassalluta naatsorsuutigaarput, Gert Brask taama ilisimatitsivoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat