Greenland Development: Alcoamut suliniarneq piukkoorpasippallaaqaaq
- Alcoa pillugu pilersaarut Kalaallit Nunaanni misigisimanngisaannakkatsitut misissoqqissaarneqartariaqarpoq. Tamanna tunuliaqutaralugu nassuerutigisariaqarparput Alcoa pillugu pilersaarut annertuallaarsimasoq, Greenland Developmentimi direktøri, Flemming Drechsel, aviisimut ullormut saqqummersartumut, Børsenimut, ullaaq manna taama oqarpoq.
- Aluminiumik aatsitsiviliornissaq pillugu piumasaqaatit politikerit ilisimasaqarfigivallaarsimanngilaat, Alcoalu pillugu Kalaallit Nunaata pingaaruteqarnera pillugu aalajangernissaq 2010-mi upernaakkumut taamaattumik kinguartinneqarpoq, paasineqarniassammat Alcoamik ingerlatsinissaq akilersinnaassanersoq imaluunniit naamik, imaluunniit aarlerinartortaqarnersoq, Flemming Drechsel aviisimut oqarpoq.
Taamaammat pilersaarutit ukiup affaanik ukiumilluunniit ataatsimik kinguartinneqartariaqarnerat Alcoap naammagiinnartariaqarpaa, Børsen allaaserinnippoq.