Great Greenlandimut tapiissutit peerniarneqarnerat akueriuminaatsinneqarpoq
Nunatta ammerivianut Qaqortumiittumut nunatta karsianiit tapiissutit ilaat, ammeriviup ilinniartoqarneranut atorneqartartut 2,9 mio koruuninik aningaasartaqartut pisortaniit peerniarneqarnerat akueriuminaatsillugu, Great Greenlandimi pisortaq Michael Nielsen oqarpoq.
Taanna ammerivimmi mersortartunut 15-it missaanniittunut ilisimatitsissuteqarsimavoq, tapiissutit peerneqassagaluarpata, tamanna qanoq kinguneqarsinnaanersoq pillugu.
Michael Nielsen Radioaviisimut oqarpoq, tapiissutit peerneqassappata ammerivimmi mersortarfiup ilinniartoqartarnera unitsinneqartariaqalissasoq, tamannalu pinngitsoortinniarlugu kommune suleqatigalugu qanoq iliuuseqarniassallutik neriorsuutigaa.
- Isumaqarpunga Qaqortup Kommunia suleqatigalugu ilinniartoqartarnerput attatiinarsinnaassagipput, Nunatta Ammeriviata Great Greenland-ip pisortaa, borgmester Simon Simonsen-imik kommunimilu kommunaldirektørimik Jørgen Vetterlain-imik ullaap tungaa ataatsimeeqateqarsimasoq oqarpoq.
Great Greenland ukiumut sisamanik ilinniartoqartarpoq.
