Great Greenland puisit amiinik tuniniaanerusalernissaminut isumaqatigiissuteqarpoq
Amminimmi akitsorterussisarfiit nunarsuarmi annersaasa ilaannik, Kopenhagen Fur-imik, maanna isumaqatigiissuteqarpoq. Atuagassiami Effektivt Landbrugimi ullumi tamanna allaaserineqarpoq.
Suleqatigiinnissamik isumaqatigiissut ullumi atsiorneqassaaq, puisillu amii Nunatsinneersut Kopenhagen Furip nalinginnaasumik aalajangersimasumik tuniniartalissavai.
- Atisanik nunarsuaq tamakkerlugu takutitsinerni puisit amiisa pilerisaarutigineqarnissaat, kalaallinut piniartunut, inuiaqatigiinnullumi, iluaqutaasussaq, Kopenhagen Furip taamaalilluni ikiorsersinnaanngussavaa, amminik akitsorterussisarfimmi tassani pisortaq, Torben Nielsen, atuagassiamut Effektivt Landbrugimut, oqarpoq, puisillu amii atisanik nutaalianik, ullutsinnut naleqquttunut, nunarsuaq tamakkerlugu ilaasut taanna isumaqarpoq.
Ammeriviup Qaqortumi qullersaqarfiani soorunami aamma nuannateqaat.
- Kopenhagen Fur, minkit amiinik, amminillumi allarpassuarnik, ilusilersukkanik, ilusilersuinermik ilinniartitsinernik, allanillumi Kopenhagen Fur ineriartortitsillunilu akitsorterillaqqissuuvoq. Taamaammat suleqatigiinnissarput qilanaaraarput, Great Greenlandimi siulersuisut siulittaasuat, Bruno Olesen, pisortarlu, Lars Berg, oqarput.
Kopenhagen Fur puisit amiinik ukiumut tallimariarluni akitsorterussisarpoq, ammillu Great Greenlandimeersut taakkunani tassa ilaasarsinnaanngorput. Kinamiut atisaliortartut nuimasut akitsorserussinerni taakkunani nuierluartaqaat. Puisit amiinik, atisanik takutitsinersuarni atortagassanik, nutaalianik, Kopenhagen Fur aamma ilusilersuisalerniarpoq, ineriartortitserusullunilu. Puisit amiinik atisanik nutaalianik Københavnimi januaarimi sapaatip-akunnerani ataatsimi takutitsinissarsuarmi ammaanermi Kopenhagen Fur amma peqataassaaq.
