Great Greenland puisit amiinik pisisinnaaleqqissinnaassagunarpoq
Kattusseqatigiit Partiianni siulittaasunngoqqittup Anthon Frederiksenip Great Greenlandip puisit amiinik pisisinnaaleqqinnissaa tapersersorpaa:
- Uagut angissaagut. Naalakkersuisoqatigiit kaammattoreerpagut aalisartut, piniartut, tunitsivinnilu sulisut naalakkersuisut matooraanerannit asigiinngitsunit eqqorneqartut ikiorseqqullugit, Anthon Frederiksen Sermitsiamut oqarpoq.
Inuit Ataqatigiit siulittaasuat Kuupik Kleist angerluniluunniit naaggaarusunngilaq misigaarli toqqusassineqarluni:
- Erloqinartorujussuuvoq, naaggaaruminaappoq, nalunngilarpummi piniartut atugaat artornaqisut. Tunitsivinnik matooraaneq eqqaaginnarsinnaavarput. Kisianni ullormiit ullormut iluarsiiginnartarnerit piniartunut iluaqutaanngillat. Sivisunerusumik atuussinnaasumik ikiorserneqartariaqarput, namminneq inuunertik nappassinnaaniassammassuk, Kuupik Kleist oqarpoq.