Great Greenland puisinik anaalerlugit toqutanik pisisarsoraat!

Ammeriviup Great Greenlandip uumasunik illersuisut avoqqaarliutaat akuersaanngilaa. Taakku avoqqaarliipput, canadamiut puisiinik anaalerlugit toqutanik ammeriup pisisarnera uumasunik naalliutitseqataasutut taasariaqartoq.

- Pisiortorfivut puisinik anaalerlugit toqutanik tunisineq ajorput. Puisit amiini takusinnaasarpavut, aallaaneqarsimagamik amii putoqartut, taama oqarpoq, ammeriviup Great Greenlandip pisortaa, Michael Nielsen.

- Puisinik anaaleralutik toqutsisartut St. Lawrence-p kangerliumarnganeersuupput. Uagullu pisiffigisartakkavut, The Front-imeersuullutik, Michael Nielsen oqarpoq.

Great Greenland aamma Namminersornerullutik Oqartussat tapiissutaat atorlugit canadamut puisit amiinik naalliutsillugit toqutanik pisisarsimasutut unnerluutigineqarpoq.

Tamannali Piniarnermi pisortaqarfiup pisortaata Amalie Jessenip akuersaanngilaa, taanna allappoq, Namminersornerullutik Oqartussat Great Greenlandimut tapiissutai canadamiunit puisit amiinik pisinermi atorneqarneq ajortut.

Qalleqqissarlugulu erseqqissaavoq, Great Greenland ukioq manna puisit amiinik canadameersunit pisilersaanngitsoq, tassamigooq kalaallit puisittaasa amii naammammata.

Taamatuttaaq demokraatiniit Palle Christiansen tutsiuppoq, tupigusuutigisimaqigini, Namminersornerullutik Oqartussat suliffiutaata, soorlu Great Greenland A/S-ip taamatut iliornermini uumasunik naalliutitsineq ajornerpaaq toqqaannanngitsumik tapersersormagu.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat