Great Greenland-ip Københavnimi tunisai suli ikipput

Great Greenlandip puisip amiinik atisalianik tunisai ikiliartorput, atisanillu 2008-mi nittarsaassinermut naleqqiullugu 60-70 procentinik annikinnerulluni. Sermitsiap nittartagaa ullumi taama allappoq.

Namminersornerullutik Oqartussat ammeriviutaat Great Greenland februarimi Øksnehallimi Københavnimiittumi amernik nittarsaassinermi amernik qaatiguulianik, aningaasivinnik, qiterutinik allanillu tunisaqarnissamik isumaqatigiissuteqarsimapput. Isumaqatigiissutilli 2008-imut sanilliullugit 60-70 procentinik ajornerupput.

Illuanik Niuertarfiutillit nunatsinneersut pisiortornerusimapput.

– Aningaasaqarnikkut ajornartoornerup kingunerisaanik, nunani allani pisisartut arlallit nittarsaassinermi pisiortunngillat, Great Greenlandip pisortaa Henrik Estrup tikkuaavoq.

Great Greenland massakkorpiaq amernik 150.000 - 160.000-inik uninngasuuteqarpoq. Tamanna nunani allani puisit amiinik ukiuni kingullerni pisisukittarneranik peqquteqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat