Gran Canariami Tenerife-milu orpipassuit ikuallattut
Allattoq Jaaku Lyberth
Gran Canariami aamma Tenerifemi orpippassuit ulluni kingullerni tallimani ikuallattorsuupput.
Inuit 12.000-it angerlarsimaffimminniit qimarrapput orpippassuillu 35.000 hektar-inik annertussusillit ikuallassimapput.
Spaniamiut ministeriunerata José Zapatero-p qeqertat ikuallattut ullumikkut takuniarpai ajoqusiinerit qanoq annertutiginersut paasiniarlugit.
Ikuallannersuaq suli ilungersunartorsiortitsivoq, tassami ulluni tulliuttuni kiarujussuartarnissaa naatsorsuutigineqarmat.
Sialoqanngitsumik kiarujussuartarnera aammattaaq Bulgariami, Makedoniami, Serbiami Italiamilu orpippassuit ikuallannerannut pissutaasarpoq.