Grønlandshavn sumiissanersoq nalunarallarpoq

Royal Arctic Line-ip Grønlandshavn-imut attuumassuteqarnera pillugu misissuinerit qaammatit pingasut matuma siornali naammassereeraluartut qanoq pisoqassanersoq suli iluamik tusarliunneqanngilaq.

Royal arctic line-lli Danmarkimi qitiusumik talitarfeqarnerani illoqarfiit inissiiffiusinnaasut pingasut tassaasut Esbjerg Århus massakkullu inissisimaffia Ålborg eqqartorneqarput.

Ålborgimi talittarfik iluatinnaateqartinneqarpoq, tassani umiarsuit nunatsinneersut immikkut talittarfeqartinneqarmata, sulisullu sungiussisimalluarlutik.

Esbjerg nunatsinnut qaninnerpaasutut eqqartorneqarpoq, Århusilu aamma talittarfigineqalissagaluarpat assersuutigalugu Royal Greenland-imi tunisassiarineqartut ingerlateqqinneri akikinnerulissagaluartut Royal Greenland-ip pisortaanerta Kjeld Askær-ip oqaatsigaa.

Ineqarnermut attaveqarnermut avatangiisinullu pisortaqarfimmiit naalakkersuisunut inatsisartunullu sumut inissiinissaq pillugu inassuteqaateqartoqarsimanngilaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat