Grønlandseksperten nassatarineqarpoq

Angalatitsivik Grønlandseksperten akiliisinnaajunaartutut nalunaarutigineqarpoq. Angalatitsivik Kangerlussuarmi Takornariartitsivimmit, sapaatip akunnerani kingullermi akiliisinnaajunnaartumit, pigineqarpoq.
januaarip 28-at 2010 04:13

Takornariat aqqaneq-marluk Kalaallit Nunatsinnut ullumikkut januaarip ulluisa 28-anni aallartussaagaluarput. Angalatitsivilli akiliisinnaajunnaarmat taakku tassa aallarsinnaajunnaartut, angalanerit pillugit nutaarsiassaqartitsiviup Take Off-ip nittartagaani allaaserineqarpoq.

Angalatitsiviup akiliisinnaajunnaarnera pissutigalugu Nunatsinni angalasinnaajunnaartoqanngilaq. Grønlandseksperten akiliisinnaajunnaarmat Nunatsinniit angalaniartunik inniminniisoqarsimanngitsoq, Angalanissamut qularnaveeqqusiinermut aningaasaateqarfik nalunaarpoq, angalaniaraluartunut taanna taarsiisarpoq.

Angalatitsivik 2004-mi aallartippoq.

Angalatitsiviup akiliisinnaajunnaarnera Nunatsinni angalasussanik eqquinngilaq. Angalanissamut qularnaveeqqusiinermut aningaasaateqarfik taama nalunaarpoq, angalaniaraluartunut taanna taarsiisarpoq.

Takornariartitsivinnit Greenland Tourismimit tapiiffigineqartaraluarluni Kangerlussuarmi Takornariartitsivik 1,5 miilionit koruuninik akiligassaqarluni akiliisinnaajunnaarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq