Aningaaserivimmi Grønlandsbankimi ungasinngitsukkut tillinniarneq maanna paasineqarpoq.
Nuummi anaanat ilaat Nuummi politeeqarfimmut sisamanngormat takkuppoq, erni17-inik ukiulik aningaasallu Grønlandsbankiminngaaneersut nassarlugit.
Angut inuusuttuaraq 17-inik ukiulik inuusuttoqatini alla peqatigalugu Grønlandsbankimi ullut 14-it matuma tillinniarsimapput.
Aningaasat anaanaasup ernermi inaaniittut nassaarigamigit iliuuseqarpoq, tassalu erni aningaasallu politiinukaakkamigit.
Tillinniarnermi 2.000 koruunit tillinneqarput, taakkunanngalu 400 koruunit politiinut utertinneqarput.
Tillinniartut qanoq pineqassanersut politiinit massakkut sulissutigineqarpoq, pisoq eqqartuussivimmi naammassineqarniassammat.