Grønlandsbankip ukiumoortumik naatsorsuutini Københavnimiittumi Børsenimi ippassaq pisortatigoortumik saqqummiuppai. Oqaatigineqarporlu, ukioq qaangiuttoq 2005 Grønlandsbankimut ukiutsialaasimasoq, ukiummi 2005-p ingerlanerani bankip isertitai 33 procentimik qaffassimapput.
Tassalu imaappoq, akileraarutit sioqqullugit Grønlandsbanki 90 millioni koruunit missaanni sinneqartooruteqarsimavoq, tassalu imaalluni, 16 millionit karsimiittuutigineqarput Grønlandsbankillu nammineq aningaasaatai kaaviiaartut tassa egenkapitalit 14,5-inik qaffariarsimallutik.
Grønlandbankip siulersuisuini siulittaasup Bent H. Jakobsenip Grønlandbankimi sulisut aqutsisullu nersualaarpai, oqaaseqarnerminilu ilaatigut ima oqarpoq:
- Kalaallit Nunaat inuppassuaqarfiunngikkaluartoq 2005 Grønlandsbankimut iluanaarfiungaatsiarpoq.
Grønlandsbankip nangilluni neriuutigaa ukioq manna 2006 aamma iluanaarfigiumaarlugu.