Fremtiden for jollefiskeriet tegner meget dystert på grund af for høje kvoter og for mange licenser, vurderer Grønlandsbanken.

Grønlandsbanken: Sinerissap qanittuani aalisarneq ajutuulerpoq

Nunatsinni inuussutissarsiutini pingaarnerpaaq, aalisarneq, ilungersunartorujussuarmi inisseqqavoq. Grønlandsbanken taama naliliivoq.

Imartatsinni aalisakkanik ulikkaarpoq - aningaaserivimmi aamma aningaasaqaqaaq - taamaaginnartariaqanngilarli.

Sinerissap qanittuani aalisagartassiissutit amerlavallaarnerisa sinerissallu qanittuani aalisarnissamut akuersissutit amerlavallaarneeisa, nunatsinni sinerissap qanittuani aalisarneq ajalusoortsissiinnaavaa.

Grønlandsbanken 2019-imi nalunaarusiaani saqqqumeqqammersumi tamanna allassimavoq.

- Aalisakkanik immikkut ilisimasallit pisassatut innersuussutaat ukiuni arlalinni sipporlugit pisassiisoqartarpoq, tamannalu attanneqarsinnaasumik aalisarnissamik tunngavissiinngilaq, aningaasarsiorneq aalisagaqassuserlu eqqarsaatigigaanni, aningaaserivik allappoq.

AAMMA ATUARUK Naalakkersuisut hæver kvote til det dobbelte af biologers anbefaling

aalisartut maannakkorpiaq aalisarluartorsuupput.

Raajat aalisakkallu avammut tunisat ukiuni sisamani amerliartuinnarput, avammullu tunisat ukiup ataaasiinnaap ingerlanerani tassa 2018-imiit 2019-imut 6,5 procentimit amerleriarput. Taamaaliornerli uungaannannguaq isiginikkut pisoq, Grønlandsbanken naliliivoq.

Tassami naalakkersuisut aalisakkanik ilisimasalinniit innersuussutigineqartut sinneqalugit sinerissap qanittuani aalisagartassiisarput.

Qalerallit 2019-imi inassutigineqartunit 81 procentimik amerlanerusut pisassiissutaapput. Tamannalu aningaasanik isaatitsinerujussuarmik kinguneqarpoq - sivikitsuinnarmilli.

- Kikkut tamarmik aalisarnikkut naammattumik isertitaqarnissaannut aalisakkat naammanngitsut maanna takuneqarsinnaalereerpoq, Grønlandsbanken allappoq.

Umiatsiaararsortut aalisagassaarutisasut

Umiatsiaararsorlutik sinerissap qanittuani qaleralinniartartut maanna ajalusuunngujoornertik malugisinnaalereerpaat.

- Siornatigut aalisarluartut, aalisagartassarsisimallutillu 6 meterinit takinernik umiatsiarsisimasut, aalisagartassatik umiatsiatillu naggataatigut ajalusoorutaasinnaasumik nalikillingaartut takuaat. Aamma umiatsiaararsortunut, naammattumik isertitaqarsinnaajunnaariartortunut, taamaappoq, aningaaserivik naatsorsuummi allappoq.

AAMMA ATUARUK Grønlandsbanken umiatsiaararsortunut taarsigassarsititsisarunnaartoq – Bank Nordik suli ammatitsivoq

Grønlandsbanken umiatsiaararsortunut aningaasaliisarnini ukiaq unitsippaa.

Kingunitsianngualu qasukkaavoq, aalisalerusuttunuinnaq aningaasaliisarunnaarluni. Kisianni tassa umiatsiaararsortunut aningaasaliisarunnaavilluni Grønlandsbanken ukiumoortumik nalunaarusiamini allappoq.

Aningaasaqarnermut siunnersuisooqatigiit siulittaasuata, Torben M. Andersenip, pisoq ilungersunartuusoq, tusagassiorfimmut Altinget Arktis, oqarpoq.

- Piffissap sivikitsuinnarmi aalisarpallaartoqarpoq, umiatsiaararsortullu angallammut atortussanullu aningaasaliipput. Maannali aalisagartassakilleqaaq aalisartullu ilaaat ajornartorsiulerput, taanna oqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat