Grønlandsbanken assammik arsarluni GM-imut pingaarnertut aningaasaliisunngortoq

Nunatsinni assammik arsarluni 2018-imi 2019-imilu pissartanngorniuttoqalerpat Grønlandsbankeni pingaarnertut nutaatut aningaasaliisunngorpoq. Unamminerlu Grønlandsbanken GM-imik taaguuserneqarpoq.
Assi © : Grønlandsbanken
marsip 12-at 2018 11:14
Nutserisoq Bikki P. Kleist

Kalaallit Nunaanni Assammik Arsartartut Kattuffiata ilisimatitsissutigaa, aningaasaliisoqarneratigut ukiormannamut aappaagumullu pissartanngorniussat qulakkeerneqartut.
Taamaalillu eqqissilluni pilersaarusiortoqarsinnaanngortoq kattuffik aamma ilisimatitsivoq.
 
Qassinik aningaasaliisoqarsimanersoq kattuffiup saqqummiukkusussimanngilaa. Aningaasaliinerli immikkuullarissuusoq ilisimatitsissutigineqarpoq.
 

AAMMA ATUARUK Grønlandsbanken PANAM2018-imut guldsponsorinngortoq

Nunatsinni ukiormanna pissartanngorniussaq Nuummi apriilip ulluisa 30-annit maajip ulluisa arfernata tungaanut ingerlanneqassaaq, tamannalu Pan AM-eqarnissaanut atatillugu misilittaanerussasoq, kattuffiup siulittaasua taama oqarpoq.
 
- Pissartanngorniuttoqarnissaanut isumalluarpunga isiginnaariartoqarluarnissaanullu, GHF-imi siulittaasoq Jørgen Olsen tusagassiuutinut nalunaarummi taama oqarpoq.