Nunanit allanit

Meeqqat pisinnaatitaaffii pitsanngorsaqqippaat

Meeqqat pisinnaatitaaffii pitsanngorsarniarlugit Kalaallit Nunaat Savalimmiullu alloriarput.
Arkivi Assi © : Peter Bye Andersen/Andreas Østergaard/KNR
Allattoq Helle Nørrelund Sørensen
oktobarip 12-at 2016 13:27
Nutserisoq Erna Lynge

Naalagaaffiit Peqatigiit isumaqatigiissutaannut tapiliussap akuersissutigineratigut erseqqissumik nalunaaruteqarput meeqqanik tuniniaanermut, meeqqanik kinguaassiutitigut atornerluinermut meeqqallu pornortunut peqataatinneqarnissaat akiorniarlugit.

Akuersinerup kingunerissavaa Kalaallit Nunaat Savalimmiullu pisussaaffeqalermata meeqqanut kanngutsaattuliortut pillarneqartarnissaannut. Taannalu pillaasarnermut inatsimmeereerpoq.

Taassuma saniatigut nunat pisussaaffilerput isumaginninnikkut politikkiminni ilaatissallugu meeqqat nioqqutigineqannginnissaat, ukiukitsut atornerlunneqannginnissaat kanngutsaatsuliorfigineqarsimasullu katsorsarnissaannut pisussaaffilerlutik.

FN-imi isumaqatigiissummut tapiliussaq Danmarkip 2013-imi ilannguffigigaa,  taamanili Kalaallit Nunaat Savalimmiullu peqataanngillat.

 

Aamma atuaruk