Grækenlandip aningaasaqarnera ilorraap tungaanut saakkiartortoq
Grækenlandimi aningaasaqarnikkut pissutsit ilorraap tungaanut ingerlalermata, naalagaaffiullu amigartoorutai amerlaqisut ikiliartulermata taama aalajangertoqarpoq.
Pisortat amigartoorutaat naalagaaffimmi tunisat ataatsimut nalingisa 3 procentiinik qaangiissanngitsut nunat EU-mut ilaasortat pisussaaffigalugu isumaqatigiissutigisimavaat.
EU-p Grækenland 2009-mi aningaasaqarnikkut nakkutigilermagu nunap amigartoorutai 15 procentimiipput.
Grækenlandilli tamanna allanngortippaa 2016-imilu 0,7 procentinik sinneqartooruteqarluni, EU-Kommissionimit tamanna ilisimatitsissutigineqarpoq.
Pitsanngoriaallu taama malunnaateqartigisoq Europami siornatigut takuneqarsimanngitsoq, EU-p aningaasaqarneq pillugu kommissæria taama naliliivoq.
- Siunnersuisoqatigiit ullumi aalajangernerat inuiaat grækerit pisortat aningaasaqarnerannik iluarseeqqinnissamut ilungersuuteqarnerannik pilliuteqarnerannillu nersorinninnermik ersersitsivoq, Pierre Moscovici tusagassiorfinnut nalunaarummi taama oqarpoq.