Sila ukiup taamaalinerani nalinginnaasumit allaanerunerusoq, silasiortup Klearxos Marousakisip oqaatigaa. Asseq: ScanpixAssi: Foto: Scanpix

Grækenlandimi silarlummat inuit arfinillit ajunaarput

Grækenlandip avannaatungaani ulussaarsuartut sakkortutigisumik anorersuarujussuarnerata kingunerisaanik takornariat arfinillit ajunaarput.

Tamaani sakkortuumik siallerlunilu nataqqornarsimavoq.

Ulussaarsuaq pingasunngornerup unnuaani takkusimaaleruttormat inuit ikinnerpaamik arfinillit ajunaarput inuillu arlallit aqqunartitersimallutik.

Illoqarfimmi Thessalonikimi politiit taama nalunaaruteqartut, tusagassiorfiit arlallit allaaseraat.

Inuit aqqunartitersimasut 60-t 70-llu akornanniittut ikiorserneqarsimasut, qitiusumik peqqinnissaqarfiup ilisimatitsissutigaa. Peqqinnissaqarfiup pisortaataa, Athansios Kaltsasip oqaatigaa, aatsaavissuaq taama sakkortutigisumik nalaataqarluni tassanngaannarmi aarlerisaarutitaqanngitsumik ulussaarsualersimammat.

Grækenlandimili ullut kingulliit marluk 37-t tikillugit kiarujussuartarsimavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat