Foto: Flickr/Pedro Szekely

Grækenland aningaasanik ukioq manna attartuisariaqassanngilaq

Grækenland 2018-imi aningaasarliorunnaassaaq, aningaasanillu nunani tamalaani attartuisariaqarunnaassalluni. Grækenlandip ministeriuneruna Alexis Tsipras ukiortaami oqalugiarami taama ilaatigut oqarpoq, Grækenlandip aningaasatigut ukioq manna imminut napatissinnaalernissaa oqaatigalugu.

 

Grækenland Nunat siuarsagassat taarsigassarsiniartarfianni, IMF-imi, EU-milu aningaasanik attartuisariaqarunnaassaaq. Grækenland aningaasanik attartuisinnaassappat akerlianik innuttaasunik sullissinermi aningaasartuutit sapinngisamik sipaarniarfigissavai, akileraartarnerit qaffaavigisariaqassallugit, soraarninngornissamullu ukiut aamma qaffattariaqassallugit. Taarsigassarsiniartarfiit taama ilaatigut piumasaqaateqarput.

- Grækenlandimi ukiuni kingullerni arfineq-pingasuni sipaarniartoqartariaqareersimalluni ukioq manna aningaasarsiornerulissaagut, Tsipras tv-kkut oqalugiarnermini oqarpoq.

Grækenland nunat tamalaat taarsigassarsiniartarfiini aningaasanik amerlasuunik 2010-mili taarsigassarsiniartariaqarsimavoq.

Taarsigassarsiniarnermi piumasaqaatit sukannersut pissutaallutik Grækenlandimi oqartussat aningaasanik assigiinngitsorpassuartigut sipaarniartariaqarsimapput, sipaarniarnerillu tamakku innuttaasunit iluarineqarpallaarsimanatik.
 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!