Europami GPS-i atorlugu satellitikkut attaviusinnaasut nutaat pilersinneqarnialerput.
Maannakkumut sumiissusersiutit GPS-it atorlugit attaviusartut USA-mit aqutarineqarput, Europamilu GPS-i atorlugu satelit-imik pilersitsinissaq iluatsissappat, unammillersinnaanerulersoqassaaq, europamilu suliffissarpassuarnik pilersitsisoqassalluni.
GPS-imik attaviit nutaat europami pilersinneqartussat sumiissusersiutitut atussallugit pitsaalluinnartutut nalilerneqarput, eqqornerusumillu sumiissusersiunerni atorsinnaasut oqaatigineqarlutik.
Maannakkut misiliutigalugu satellit-i nassiunneqartoq Rusland-imiit ingerlanneqarpoq, iluatsissappallu satellit-it allat 30-it silaannarsuarmut nassiunneqassapput.
GPS-imik attaviit nutaat 2008-mi atuutilernissaat naatsorsuutigineqarpoq.