Gordon Brown: Sakkutuut ilaat angerlassapput
Tuluit sakkutuuisa ilaat Irakimit angerlarartinneqassapput.
Allattoq Elisa Isaksen
juulip 19-at 2008 17:12
Taama isumaqarpoq, tuluit ministeriunerat Gordon Brown, sakkutuunik Irakimiitinneqartunik ikililererusuttoq.
Brown maanna Irakimiippoq nunap taassuma aningaasarsiornikkut isumannaatsuunissakkullu qanoq inissisimanera naliliiffigisinnaajumallugu. Tassalu tikeraarnermi nalaani ullumi nalunaarpoq, tuluit sakkutuui Irakimiittut ikilisinneqartariaqartut. Qaqugorpiaq tamanna pissanersoq, suli aalajangiunneqanngilaq.
- Piviusunik tunngaveqarnanga piffissalersuerusunngilanga, Brown taama oqarsimanerarlugu Ritzauimit issuarneqarpoq.
Sapaatip akunnerata tulliani Brown Irak pillugu tuluit inatsisartuinut nalunaarusiaminik saqqummiussiniarpoq.
