Danmarkimiilluni kalaallit danskillu nipilersuusiaannik YouTubekkut tusarnaartoqarsinnaanngilaq.Assi: Mads Claus Rasmussen/Scanpix

Googlep nipilersukkat Nunatsinneersut Danmarkimeersullu Youtubemiikkunnaarsikkai

Danmarkimi najugaqaraanni kalaallit danskillu nipilersuusiaat Youtubekkut tusarnaarneqarsinnaajunnaarput. Kodami Youtubelu isumaqatigiissummik amigaateqarput

Kodamut ilaasortat nipilersuusiaat tamarmik Danmarkimi tusarnaarneqarsinnaajunnaarput.

Taakkununnga kalaallit Kodamut ilaasortat nipilersuusiaat ilaapput, taamaalillutik naliginnaasumik Youtubekkut tusarnaarneqarsinnaasaraluartut maanna tusarnaarneqarsinnaajunnaarput.

Tamanna Kodami attaveqaqatigiinnermut pisortap, Eva Heinip KNR-imut uppernarsarpaa. Kodami erinnianut taalliortunullu piginnittuuvoq.

YouTube Googlep pigaa. Kodap Googlellu isumaqatigiissinnaannginnerat tamaanga killititsivoq.

Taamaattumik Googlep, YouTubemut piginnittutut Kodamut ilaasortat danskit kalaallillu nipilersuusiaat tamaasa ullumikkut arfininngornermiit tusarnaarneqarsinnaajunnaarsippai

Tamannali Danmarkimi najugalinnuinnaq atuuppoq, nunatsinnimi suli kalaallit nipilersuusiaat YouTubekkut isiginnaarlugillu tusarnaarsinnaavagut.

Isumaqatigiissutip aprilimi atorunnaartup kingornali, illuatungeriit isumaqatigiissummik nutaamik isumaqatigiinniaraluarput.

Koda naaperltorlugu, Google YouTubemi nipilersuutinik atuinermini Kodamut 70 procenti tikillugu akiliinikinnerorusuppoq.

- Suliffeqarfissuup YouTubep nipilersortartunik akikinaariniarsarinera isertungaanngilaq, Kodap pisortaanera, Gorm Arildsen oqarpoq.

Illuatungeriit isumaqatigiissummik atsioqatigeereerpata danskit kalaallillu nipilersuusiaat Danmarkimi tusarnaarneqarsinnaanngoqqissasut, YouTubemi pisortaq, Dan Chalmers neriorsuivoq.

 

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat