Googlemik ajoqusersuisitsisoq paasineqarpoq

Internetimi ujaasisarfiup Googlep avataaniit ajoqusersorneqarnissaanik naalakkiisoq tassaavoq, Kiinamiu politikeri nuimasoq, Google-mi paasissutissanik namminerminut tunngasunik atuareerluni, taama naalakkiisimasoq.
Allattoq Elisa Isaksen
decembarip 05-at 2010 13:08

Tuluit aviisiat The Guardian, nalunaarusiat isertuussat, Beijingimi Amerikamiut aallartitaqarfiannit Washingtonimi nunanut allanut ministereqarfimmut nassiussat, WikiLeaksimit saqqummiunneqartut naapertorlugit, taama allaaserisaqarpoq.

Google taamatut saassunneqarnini pissutigalugu Kiinamit anisariaqarsimavoq, naak Kiinami Google-imik atuisut 400 millionit angullugit amerlassuseqalersinnaagaluartut.

Googlep saassunneqarnissaa Kinami Kommunistit Partiiata aqutsisuinit aallartinneqarpoq, matumani partiimi ilasortaq nuiamasoq alla peqatigalugu, Google-imi allaaserisat isornartorsiuerpalaartut peerneqarnissaannik suliniuteqartoqaqqaarsimagaluarluni.

Google-ip saassunneqarnera Kommunistit Partiianni nuimasumit pisuunera, siullerpaamik saqqummiunneqarpoq.

Google-ip avataaniit saassunneqarnera Beijingimi naalakkersuinermik suliaqartunit sakkortuumik avoqqaarineqarpoq, tamatumalu kingorna Google-ip Kiinami tuniniaajunnaarnissani aalajangiuppaa.