Eva Mätzler Asiameersoq assiliiartoqattaartoq.Assi: Jaaku Lyberth/KNR

Google Street View assinik nunatsinneersunik ikkusseqqippoq

Qarasaasiakkut nittartagaq taaguutilik Google Street View, nunarsuarmi illoqarfissuarni aqqusinerni sumiikkaluartuniluunniit pisuinnartut angalaarluni paasisassarsiornermut atorneqarsinnaasoq assinik Nunatsinneersunik nutaanik maanna ikkussisimavoq.

Nunaqarfiit soorlu Kangaamiut, Itilleq, Saqqaq, Kuummiit, Isertoq Kulusullu alakkarterneqarsinnaapput, illoqarfiillu soorlu Aasiaat, Maniitsoq Nuullu aamma alakkarterneqarsinnaapput, Nuummi majuartaammit assit ilaatigut alakkarterneqarsinnaallutik. Pisuinnaallu ukiuunerani angalaarfigisartagaat, assillu Qullissaneersut Zackenbergimeersullu aasaanerani assilisimasat takuniarneqarsinnaassallutik.

Aamma atuaruk Nunaqarfiit illoqarfiillu siornatigut takusimanngisatit Googlemi takusinnaalissavatit

Aamma atuaruk Sumiiffiit amerlanerusut Google Street Viewikkut takuneqarsinnaalersut

Google Street View aqqutigalugu assit qarasaasiatigut takuneqarsinnaapput, programmi Google Street Viewimiittoq Google Trekkerimik taaguutilik atorneqarsinnaalluni.

Assit Asiaq, Visit Greenland Air Greenlandilu suleqatigalugit pissarsiarineqarput, soorlu aamma nammineq kajumissutsiminnik sulisut assilisaat atorneqarsimasut, assigiinngitsutigullu aningaasaleeqataasut aamma suleqatigineqarsimallutik.

Aamma atuaruk Google Street Viewip Kalaallit Nunaat silarsuarmut siammarpaa

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat