Google saamit oqaasi atorlugit takorusuppaa
Politikerip Saamip google translate samisoortoq kissaatigaa. Politikerip Samit siunnersuisoqatigiivi Googlemut attaveqarsinnaanermut nalileeqquai Googlip internettikkut oqaatsinik nutserisarfiatigut saamit oqaasiisa aamma ilanngunneqarsinnaanerat eqqarsaatigalugu, Finnmarken nittartakkamini ilaatigut taama allappoq.
decembarip 03-at 2013 04:41
Saameq politikereq, Vibeke Larsen, taama kissaateqartuuvoq, ilaatigullu saamit aviisiannut Sàgat-imut ima oqarsimavoq:
- Googlep samitut atorneqarsinnaasup saamit oqaasii nittarsaassinnaangaluarpai internettimilu takussaalersillugit. Ullumikkummi internetti ilinniarfittut oqaatsitigullu sakkussanik aallerfittut atorneqarsinnaavoq, kisianni aamma oqaatsit nittarsaannerannut.
Google translatep oqaatsit 60-t ullumikkut nutsertarpai, saamillu oqaasii tassani ilaanngillat.
