Klubbiata GOG Svendborg TGI-p aningaasaqarniarnini ulluni makkunani pilersaarusiorpaa, tamannalu arsartartunut akisussagunartoq, aviisimi Politikenimi atuarneqarsinanavoq.
- Arsartartuutitta aningaasarsiaasa tamarmik assigiimmik apparneqarnissaat oqaloqatigiissutigaarput, atugaallu artornarsivallaaqqunagit tamatta immitsinnut ikioqatigiissaagut, GOG Svendborg TGI-mi aningaasaqarnermut pisortaq, Jakob Jørgensen, oqarpoq. Aningaasarsiat qanoq appartigissanersut oqaatigisinnaannginnerarpaa.
- Kisianni malunnartumik appassapput, arsartartullu malugissaqaat, Jakob Jørgensen oqarpoq.
GOG Svendborg ukiumi naatsorsuiffimmi kingullermi millionilikkaanik amigartoorpoq, aningaasallu kaaviiaartitat ingerlalluanngillat. Klubbip isertitaanit 85 procentit arsartartut aningaasarsiaannut atorneqartarput.