GMimut peqataasinnaajunnaartut
![](/sites/default/files/styles/image_934x467/public/article_images/damefodbold_nuuk.jpg?itok=oVZcT4Nr)
UB-83 Upernavimmeersoq arnat GM-qarnissaannut peqataasinnaajunnaarluni nalunaarpoq Upernavimmiit angalaniarnissat ajornakusoornerat pissutigalugu. Kugsak-45 Qasigiannguaneersoq GM-imut peqataanissamut neqeroorfigineqaraluarpoq. Kisianni angalanissamut aningaasanik katersinissamut piffissaq sivikippallaarmat Nuummi peqataanissaminnut qujaannarput.
- Allatut ajornartumik GM pilersaarusiortariaqalerparput tikissinnaasut najoqqutaralugit. Taamaammat puljep aappaani iligiit pingasuinnaassapput aappaanilu sisamaallutik, aaqqissuisunit NÛK-mit John Thorsen KNR-imut ilisimatitsivoq.
Nuummi arnat GM-rnissaat ataasinngorpat aallartissaaq.
Ammaanersiornermi unammissapput K-33 Qaqortumiik aamma KB-84 Kangaatsiamiik ataasinngornermi nalunaaqutaq pingasunut.
Sisamanngornermi semifinale pissaaq pissartanngorniunnerillu naggaserlugit tallimanngornermi ualikkut finalertoqassaaq.