VIDEO GME-p Kuannersuarni 2017-mit sanaartorsinnaanissaq neriuutigaat

Aatsitassanik qaqutigoortunik uraniumitalimmik qalluinissamik sanaartornikkut piareersarneq siusinnerpaamik 2017-imi aallartissinnaavoq, tamanna qallunaat aviisianit, Dagbladet Informationimit tallimanngormat saqqummersumi allaaserineqarpoq.
Allattoq Nûno Isbosethsen
decembarip 22-at 2014 10:51

Greenland Minerals and Energy, GME, aatsitassanik qaqutigoortunik uraninik akulinnik qalluinissamik pilersaaruteqartoq, pilersaarutitik iluatsissagunikku, naatsorsuutigaat umiarsuaq siulleq uranoxidinik usisoq 2019-imi imaluunniit 2020-mi Narsamiit avalassinnaassasoq.

 

GME-mit pingaartinneqarpoq Namminersorlutik Oqartussanit aatsitassanik qaqutigoortunik uranitalinnut inatsimmik piaartumik aalajangiisoqarnissaa. Tassani peqqutaatinneqarluni siumut isigisumik eqqissisimanartumik politikkeqalernissaq.

 

 

GME-mit nalunaarutigineqartoq naapertorlugu Kuannersuarni aatsitassarsiorfissaq 2019-imi piareersinnaassagaluartoq oqaartigineqarpoq. Sulisullu nunaqavissut tikisitallu 465-it missaat sanaartorluni aallartinnermilu sulisorineqassallutik.

 

Aatsitassarsiorfillu piareerpat sulisartut 380-it missaat ingerlatsinermi sulisorineqassallutik.

 

GME Namminersorlutik Oqartussanut qinnuteqaammik suli nassiussinngilaq, neriuutigaalli Kuannersuarni aatsitassanik qaqutigoortunik uranitalinnik piiaanissaminnut sanaartorneq 2017-imi aallartissinnaassallugu.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk