GME-p aktiaatai nalitunerulersut

GME-p aktiaatata nalingat ukiup aallartinnerani 0,06-imiippoq, januaarilli ingerlanerani  0,15-imut nalitunerulersimallutik. Australiamiut nittartagaat proactiveinvestors taama allaaserisaqarpoq.

Sermitsiaq.AG naapertorlugu aktiat nalitulerulernerat, aningaasaliisartut Kuannersuarni uranimik saffiugassanillu qaqutigoortunik piiaasoqarnissaanik tatiginninnerulersimanerannut takussutissaavoq. Aamma aktiat nalitunerulernerannut GME-p Kinamiut suliffeqarfiutaannik Shengshemik ukiaq suleqateqalernera pissutaaqataasinnaavoq.

GME-p VVM-imik nalunaarusiamik taaneqartartoq, Kuannersuarni piiaaviliornikkut avatangiisinut sunniutissanut tunngassuteqartoq maanna inaarsaleruttorpaa.

Inaarsaanerlu Namminersorlutik Oqartussat oqaloqatigglugit ingerlanneqarpoq, naammassineqarpallu tamanut tusarniaassutigineqassalluni:

- Tamanut ammasumik tusarniaanissaq sioqqullugu sunik piareersaateqartoqassanersoq naalakkersuisunut 2017-imi siusissukkut isumaqatigiissutigisinnaassallugu neriuutigaarput, GME-p pisortaa, John Mair, KNR-imut mailikkut decembarimi taama allappoq.