GM-imi ullumi ajugaaniutivittoqassaaq
Inissinniuunnerit ippassaq ingerlanneqarput, Eqaluk 54 K-64-imut 6-1-imik ajugaallutik normu 7-nngorlutik. I-69-ip K-33-llu 5-inngorniunnerini K-33-ip I-69 0-3-mik ajugaaffigaa.
Allattoq Simon Uldum -
Ullumilu pingasunngornermi aggustip 21-iani bronzennanniunneq kuultinnanniunnerlu ingerlanneqassapput.
Nal.14.00 FC Malamuup NÛK-llu bronzenanniunnerat aallartissaaq. Nal. 16.00-ilu G-44-p Qeqertarsuarmeersut B-67-illu Nuummeersup finalernerat aallartissaaq.
Eqqaamallugu nunatsinni isikkamik arsaalluni pissartanngorniunnermi unamminerit tamaasa KNR-TV-p KNR1-ikkut toqqaannartumik aallakaatittamagit.