GM-imi finalemut qilanaartuut

Assammik arsarnermi BankNordik GM-mi ullut pingajuat naammassimmat kikkut finalemut anngussinnaanerat paasinarsiartulerpoq. NÛKp angutitai finalemut annguteqaqqajaapput taamatuttaarlu GSS-meersut.

Arnani finalertussat tassaassannguatsiarput GSS Nuummeersdoq aamma SAK Sisimiuneersoq taakkulu sisamanngornermi ualikkut Ilulissat timersortarfianni unammissapput.

- Unamminermi tassani ajugaarusuttorujussuuvugut aamma ilimagisinnaavara unamminissarput pissanganarumaartoq, SAKp sungiusaasuat Arkaluk Silassen KNR-mut oqarpoq.

Taamaakkluartoq SAK pingasunngornermi unnukkut Nagdlúnguamut unamminermini arsarluarpallaanngilaq, taamalu pisariaqanngitsumik nukippassuit atorlugit unamminermi siuarniarnerminni, tassanilumi ajugaapput

- Arsartunut assut pakatsivunga. GM-qarnerani arsarluarsinnaanerput suli tigunngilarput. GM-mut piareersarluarsimaqaagut tamannalu aamma GM-ip nalaani takutikkusoqaarput, Arkaluk Silassen oqarpoq.

GSS-meersut unamminermut tassunga aamma qilanaarput.

- SAKp sukkasuumik saassusseriartarnera unitsittariaqarparput aammalu arsaq annaagaangatsigu utipallassassalluta, GSS-ip sungiusaasua Johannes Groth KNR-imut oqarpoq.

- SAK uagutsitut suleqatigiillaqqitsiginngilaq. Isumaqarpunga GM-mi peqataasuni arsartuginnersaalluta, tamannali unammineq ilivitsoq tamaat suli takutissimanngilarput, Johannes Groth oqarpoq.

Aajuku pingasunngornermi angusat
GSS - Norsaq HC angutit 34-26 (14-11)
NÛK - GSS arnat 15-25 (7-8)
SAK - NÛK angutit 21-27 (10-9)
Nagdlúnguak - SAK arnat 20-29 (9-12)
Nagdlúnguak - K-33 angutit 47-25 (27-9)

Aajuku sisamanngornermi unamminissat
Nal. 14.00 SAK - K-33 (angutit)
Nal. 15.45 I-69 - NÛK (arnat) KNR 1-kkut toqqaannartumik aallakaatissaaq
Nal. 17.30 GSS - NÛK (angutit) KNR 2-mi toqqaannartumik aallakaatissaaq
Nal. 19.15 GSS - SAK (arnat) KNR 2-mi toqqaannartumik aallakaatissaaq
Nal. 21.00 Nagdlúnguak - Norsaq HC angutit