GM-ertoqarnerani ullumikkut unamminerit
Qeqertarsuarmiut G-44 Nanortalimmiullu Siuteroq 43 nalunaaqutaq 13.00 unammissapput.
Nalunaaqutaq 15.00 Kulusummiut TM-62 Iluliarmiullu N-48 unammissapput.
Taava nalunaaqutaq 17.00 Nuummiut B-67 Maniitsormiunut Kagssagssummut unammissapput, nalunaaqutaq 18.00-ilu Nuummiut IT-79 Uummannarmiunut FC Malamummut unammissallutik.
Arsaattut KNR TV 1-ikkut toqqaannartumik aallakaatinneqassapput.
Eqqaasissutigissavarput isikkamik arsaalluni pissartanngorniuttoqarnera pissutigalugu Qanoruup aallakaatitsinera allannguuteqassammat, nutaarsiassat nalunaaqutaq unnugu 18:50 aallakaatinneqassallutik.
Taassumalu saniatigut OL-ertoqarnera KNR2-kkut toqqaannartumik aallakaatinneqassaaq, tassanilu Danmarkip Tunesiallu angutitaat assammik arsarlutik unammissapput.