Siulersuisut siulittaasuata Nunamineralsip ataannarnissaa qularutigeqaa

Nunamineralsimik piginnittut immikkut ittumik ippassaq ataatsimeersuarput. Piginneqatigiiffik suli ilungersunartorsiorunnaarpasinngilaq.

Allattoq Jens Thorin, Jonas Løvschall-Wedel

januaarip 30-at 2015 10:34

Nunaminerals Namminersorlutik oqartussat tiguinnassallugu siunnersuutaat itigartinneqarpoq piginneqataasullu piginneqataassutinik 5 millionit koruuninik nalilinnik, maanna tuniniagassanngortinneqartussanik pisinissamut periarfissinneqarnissaannik, siullersuisut siunnersuutaat akuersaarneqarpoq.

Taamaaliornerli immini Nunamineralsip annaannissaannut naammangerujussuarpoq, sulimi atorunnaarsinneqariaannaavoq.

Aamma atuaruk NunaMinerals A/S-ip siunissaa ullumi aalajangiiffigineqassaaq

Aningaasaleerusussinnaasunillu naammattuuinissaq ajornakusuussaqisoq, siulersuisut siulittaasuata Birks Bovairdip isertuutinngilaa.

- Ilimananngeqaaq. Taama taasinerput arlaasa isumaannik allanngortitsimassanersoq takujumaassavarput, Birks Bovaird oqarpoq. Nunamineralsilli ataannarnissaa, taassuma aamma qularutigilluinnarpaa.

Nutaarsiassami kukkunermik nassaarsimaguit uunga allaffigineqarsinnaavugut.