Nunarsuup kiatsikkiartornera: Nannut maanna aarluarsunnik nerisalerput
Nunarsuup kiannerulernerata kinguneranik nannut aarluarsunnik nerisalerput.
Norgemiut ilisimatuut atuagassiami Polar Researchimi kingullermik saqqummersumi tamanna oqaatigigaat, aviisimi The Guardianimi allaaserineqarpoq.
Nannunik aarluarsunnik nerisunik ilisimatuut aatsaat naammattuuipput. Nannut uumasunik allanik neriniartalernerannut nunarsuup kiatsikkiartornera patsisaasoq ilisimatuut misissuereerlutik oqaatigaat.
Aamma atuaruk Kiisa itsuannisaaginnarlutik nannunniartalerput
Silap pissusiata allanngoriartornera pissutigalugu, uumasoqatigiit avannarparterneq ajoraluartut avannarparternerusalersut, Ilisimatuutut misissuisut ilaata Jon Aarsip The Guardianimut oqaatigaa.
Norgep issittortaani aarluarsuit siornatigut aasakkut takuneqartareerput, ukiormannali silap pissusiata allanngornerata kinguneranik upernarnerani - suli sikuugaluartoq - avannarpartersimallutik.
Aarluarsuit sikukkut saattukkut anersaarniarlutik puigaangata nannunit pisarineqartarsimassasut, ilisimatuutut misissuisup oqaatigaa.
- Naak aarluarsuup nanoq takusinnaagaluarlugu allamik periarfissaqannginnami anersaarniarluni puisariaqartartoq, ilisimatooq tv-kkut nutaarsiassaqartitsivimmut oqarpoq.