Gitte Seeberg: Puisit amiinik sulianik pisiumasoqarunnaassaaq

Ilisimatuussutsikkut qanorluunniit uppernarsaatissaqartigisoqaraluarpat, puisit amiinik Canadamit nunatta pisisaleqqinnissamik Inatsisartut aalajangigaat inuinnarnit akerlerineqangaarmat, pisiumasuerutissasoq, EU-parlamentimut ilaasortaq danskiusoq Gitte Seeberg isumaqarpoq.

-Isumaqarpunga kingullertigut tusartuakkatsitut avaartaannarlugit puisitat amiinik Kalaallit Nunaata Canadamit amersisaleqqinnera pisisartut arajutsisimanngikkaat – Kalaallit Nunaata avammut isigineqarnermini akornutigisinnaasaa.

Tamanna kalaallit piniartut akornutigilissavaat, europamiummi pisisartut pisiumajunnaarnerannik kinguneqariaannaammat. Kalaallit piniartuisa qanoq puisittarneri apeqqutaavallaanngikkaluartoq, inatsisinittaaq toqqammaveqannginnera apeqquserneqartussaasoq, EU-parlamentimi konservativit sinnerlugit ilaasortaq Gitte Seeberg nassuiaavoq.

Puisinik 1990-ikkunni toqutseriaaseq puisit ingerlaannangajak toqqutigisaraat paasinarpoq; maannakkulli paasisat kingulliit tunngavigalugit puisit toqunneqartut 10-15 procentii ingerlaannaq toqunneqarneq ajorput – tamannalu pisisartut eqqumaffigisorujussuugaat, Gitte Seeberg naggasiivoq.

Kalaallit puisittaasa amiinik piseqqusiunnaarneq Gitte Seebergip nammineerluni akerlerinerarpaa.