Gigtertut atuartinneqartut

Gigtertut, tassa naggussamikkut gigtertut, leddegigt-imik nappaateqartut, naggussamik nungujartornerannik gigteqartuunngitsut, Dronning Ingridip Napparsimmaviani ulluni makkunani atuartinneqarput. Gigteqartut arfineq-pingasut aggersarneqaraluartut marluinnaat takkussimapput.
Allattoq Oline I. Olsen
oktobarip 05-at 2007 14:46

- Misiligummik gigtertunik atuartitsinerput siulleq iluatsilluarpoq neriuppugullu tullianik amerlanerit takkussinnaajumaartut, atuartitsisoq pikkorissaasut pisortaat Mette Balslev oqarpoq.

Gigtertut nappaateqarnersut isaannarmik takuneqarsinnaasanngilaq, tamaattumik nunatsinni gigtertut anniaqalutik, nukissaqaratik, inuunerminnik ajornartorsiuteqarlutik kiserliorlutillu inuusarput.

- Naggussamikkut gigtertut pikkorissartinneqarnertik assut pissarsissutigaat. Nappaatertik tunuarsimaassutigisartagartik eqqartorsinnaanngorpaat, assullu nappaatimik assinganik atugalimmik allamik naapeqateqarnertik iluaqutigalugu, Mette Balslev oqarpoq.

Pillorissaasut pisortaata oqaatigaa, naggussamikkut gigtertunik allanik ullut 14-it qaangiuppata atuartitsisoqassasoq.

Arnat marluk 29-inik aamma 41-inik ukiullit sapaatip-akunnerani matumani pikkorissaqataasimanertik pillugu Qanorooq-mi unnugu oqaluttuassapput

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq