GIF timersortarfiit nutarterneqarniartut pillugit: Pisariaqartorujussuuvoq

Nunatsinni timersortarfiit Lokale og Anlægsfondenimit nutarterniarneqalerput. Tamanna GIF-imit iluarisimaarneqarpoq.

- Tusarluarnartorujussuuvoq, Kalaallit Nunaanni Timersoqatigiit Kattuffianni siulittaasoq Nuka Kleemann oqarpoq.

Aningaasaateqarfik Lokale og Anlægsfonden timersortarfinnut aningaasaliissalluni sisamanngornermi nalunaarutigaa.

Lokale og Anlægsfonden tassaavoq sanaartornermi sulianut sunngiffinni sammisassanut tunngasunut tapersersuillunilu siunnersuisartoq. Tassa timersornermik, pinngortitamik kultureqarnermullu tunngasunut tapersersuisoq.

AAMMA ATUARUK Timersortarfiit nutarterneqassapput: Aamma allanik sammisaqarfiulissapput

Kalaallit Nunaanni Timersoqatigiit Kattuffiata Lokal og Anlægsfonden suleqatigalugu nunatsinni haalit misissuiffiginikuuaat. Nunatsinni illorsuit timersortarfissuit pillugit qulaajaanerup takutippaa, aserfallatsaaliuinissamut kinguaattoorutit 68 millionit koruuninik naleqartut.

Kommunet suleqatigalugit

Nunatsinni kommuunit tallimaasut tamarmik suliniummut suleqatiserineqarput, kommunillu timersortarfinnik nutarterinissaminnut Lokale og Anlægfondenimit ikiorneqarsinnaassallutik.

Timersortarfippassuit nutartigassaasut, Anlægsfondenimi ineriartortitsinermi siunnersorti, Jakob Færch, oqarpoq. Tamannalu GIF-imit isumaqatigineqarpoq:

- Nutarsaanissaq pisariaqaavippoq nunatsinni haalini tamani, illoqarfinni immaqa tamani ukua haalit ilai 60-ikkunni 70-ikkunilu sanaajupput. taavalu annertoorujussuarmik aserfallannikuullutik, ukiorpassuarnili aserfatsaaliorneqarnikuunatik, Nuka Kleemann oqarpoq.

Aili Pedersen Nuummeersoq sapaatip akinneranut tallimariarluni sungiusartarpoq. Suliniullu nutaaq tapersersorpaa:

- Torragivara, Aili Pedersen oqarpoq. Taanna isikkammik assammillu arsartarpoq. Sinerissamullu unammiartarami haalit qanorinnersut ilisimavai. Taannalu isumaqarpoq nutarterineq illoqarfinnit mikinernit aallartissinnaasoq:

- Haalit allat nutaanngilivallaartut illoqarfinni mikinerni nutaanngilisut amerlanermut siulliukkusunnarsinnaapput Nuummiittuninngaanniit.

Tamanut iluaqutaassaaq

Timersortarfiit timersorfiuunnaratik allanik aamma sunngiffimmi sammisassaqartitsinermut ukioq kaajallallugu atorneqarluarsinnaasut, Lokale og Anlægsfonden isumaqarpoq.

- Torragivara isumaa. Assersuutigalugu nukkassartarfiit uagut aamma NUK-ni arsartartuni haalimiittoq atorluartaratsigu akeqanngtsumik holditut. sapaatip akunneranut ataasiaq nukkassaqatigiittaratta. torraassaaq sinerissami aamma taamaalippata, Aili Pedersen oqarpoq.

Nutarterinerlu tamanut iluaqutaasinnaasoq, GIF-imi siulittaasoq isumaqarpoq:

- Meeqqanit inuusuttunillu atuisunillu allanit orniginarnerusunngorsinnaavoq soqutiginarninngorlunilu. Atortunik assigiinngitsunik sinaakkutinik nutaanik moderninik ullutsinnut naleqquttunik isumaqarpunga siuarsaataassasoq.

Nutarterineq siulleq Kommune Kujallermi aallartinneqareerpoq, Qaqortumi timersortarfik nutarterneqarluni.

Qaqortoq halrenovering

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat