Assi: Grønlands Idrætsforbund

GIF-mi pisortanngortussaq toqqarneqartoq

Kalaallit Nunaanni Timersoqatigiit Kattuffiat (GIF) Carsten Olsen taarserlugu nutaamik pisortaqalissaaq.

Jonas Jensen Kalaallit Nunaanni Timersoqatigiit Kattuffianni oktobarip aallaqqaataanit pisortanngussaaq. Jonas Jensenip Carsten Olsen upernaaq manna atorfimminit tunuartoq taarserpaa.

Jonas Jensen GIF-imi aaqqissuussaanermut atatillugu siunnersortitut maanna sulivoq, ilaatigut GIF-ip 2020-imiit 2023-imut periusissiaata ingerlanneqarnissaa akisussaaffigalugu.

Paasissutissat:
Jonas Jensen, 38-inik ukioqartoq, issittumi ingeniøritut ilinniarsimasuuvoq, siusinnerusukkullu sanaartornerup iluani sulisimalluni. Atorfeqarnikkut timersornerup silarsuaanut ukiut pingasunngulersut matuma siorna ikaarsaarpoq. Peqatigiiffiinni suleqataasarsimavoq, soorlu ujakkaartarnermut atatillugu nammineq kajumissutsiminik siulersuisuni ataatsimiititalianilu suleqataasarsimalluni.           Najoqqutaq: GIF 

- Jonas generalsekretærissatut toqqarparput kattuffiup iluani aaqqissuussinermut sammisutigut timitalersuisarnermilu piginnaaneqarluarnerminik takutitsinikuummat GIF-imilu sulinermigut timersornerup silarsuaani misilittagaqartuummat, Nuka Kleemann, GIF-imi siulersuisunut siulittaasoq oqarpoq nangillunilu oqaatigaa Jonas Jensenip siunissami suli qaninnerusumik suleqatigilernissaa qilanaaralugu. 

Nunarsuarmi timimik atuiffiunerpaaq


Nunarsuarmi nunatta timimik atuiffiunerpaalernissaa anguniarlugu pisortanngortussap oqaatigaa:

-  Timersornerummi inerisarneqarnissaa soqutigeqaara, tamanna inuiaqatigiinnut pingaaruteqartuummat, inunnik katersortitsisuulluni ataatsimoorfiulluartarmat, nuannaartitsilluni peqqissumillu sammisaqartitsilluni, Jonas Jensen oqarpoq. 

AAMMA ATUARUK Carsten Olsen GIF-imi generalsekretæritut tunuarniuteqartoq

Siammasissumik  timersorumanerup ineriartortinnissaa ilanngullugu oqaatigaa:

- Nalunngilaralu tamanna anguneqassappat ulluinnarni amerlanerit akornanni timimik atuerusussutsip ingerlaavartumik ineriartortinneqarnissaa angujumallugu siunnerfilersugaalluartumik suliniuteqarnissaq pisariaqarmat, tamannalu angujumallugu unammillernartumik sulinissaq GIF-imi suleqatigisat peqatigalugit anguniarnissaa qilanaaraara, Jonas Jensen tusagassiutinut nalunaarummi oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat