GIF-imut aningaasaliisarnini sivitsorpaa

Air Greenlandip Timersoqatigiit Kattuffiannut, GIF-imut, 2010-mut aningaasaliisarnini sivitsorpaa. Air Greenland tassaavoq GIF-ip aningaasaliisartuini pingaarnerpaasoq, aningaasaliinissamillu isumaqatigiissut nutaaq erniinnaq atuutilissaaq.
marsip 02-at 2010 04:42

- Air Greenlandimik nutaamik isumaqatigiissuteqarnerput nuannaarutigaarput, aamma Canadami marsimi Arctic Winter Gameseqarnissaani isumaqatigiissupput atuleriissaaq. Tassunga atatillugu poorskimi GM-eqarnissaanut atatillugu timmisartukkut angalanissarpassuussapput, GIF-ip siulittaasua Nuka Kleemann oqarpoq.

- Timersortartunik tapersersuinissaq uatsinnut pingaaruteqarpoq meeqqanut inersimanerulaartunullu ataatsimoorutaasoq, Udo Glashoff atsiornerminut atatillugu oqarpoq:

Tamatumunnga peqatigitillugu taassuma timersoqatigiiffiit kajumissaarpai angalanissatik piffissaalluarallartillugu pilersaarusiortaqqullugit.

- Isumaqatigiissut atorluarnerujumagaanni angalasoqalersinnagu, piffissaalluarallartilluguli inniminniisoqartarnissaa pingaaruteqarpoq, Udo Glashoff oqarpoq.