GM-rtoqarsinnaalernera Nuka Kleemannip nuannaarutigaaAssi: Noah Mølgaard

GIF coronamut malittarisassat qasukkarmata: Periarfissaq atorluarsiuk

Nunatsinni pissartanngorniuttoqarsinnaanera timersoqatigiit kattuffiata neriuutigaa – malittarisassaagallartullu apriilip kingorna atuunnissaat kissaatigalugu.

Kommunenit arlalinnit peqataaffigineqartumik timersornikkut aaqqissuussinissamut ullumikkumiit qinnuteqartoqarsinnaalerpoq.

Peqqissutsimut naalakkersuisoq Martha Abelsen ataasinngornermi tusagassiortunik katersortitsinermi taama nalunaarpoq.

Tassani nalunaarutigineqarpoq nunatsinnut tikissinnaanermut killilersuineq apriilip 18-iata tungaanuugallartoq atuutissasoq.

Corona siaruatsaaliorniarlugu tamanna pivoq.

Kommuninut allanut angalalluni aaqqissuussinernut peqataanissamut qasukkaanerit aqagumit apriilip ulluisa 18-iata tungaanut atuutissapput.

 

Tamatuma pisinnaanissaanut tallimanik piumasaqaateqarpoq:

 

Aaqqissuussinerit illoqarfinni ukunani kisimi pisinnaapput:

  • Ilulissat, Aasiaat, Qasiannguit, Qeqertarsuaq, Kangerlussuaq, Maniitsoq, Sisimiut, Nuuk, Paamiut, Narsaq, Narsarsuaq aamma Qaqortoq. 
  • Aaqqissuussisoqarnissaanut ullut 30-t sioqqullugit illoqarfimmi aaqqissuussiffiusussami tunillatsissimasumik uppernarsaasoqarsimassanngilaq.
  • Aaqqissuussineq 50-init amerlanerusunit peqataaffiussappat tamanna Nakorsaaneqarfimmit akuerineqaqqaassaaq. Isiginnaartussat naatsorsorneqartunut ilaassapput.
  • Tamatuma saniatigut aaqqissuussisoqarnissaanut ullut 14-it kingulliit iluanni tikittut peqataqqusaanngillat. Inuit ullut 14-it kingulliit iluanni tikittumut qanillisimasut aamma peqataaqqusaanngillat.
  • Illoqarfimmi aaqqissuuffiusumi tunillatsissimasumik naammattuuisoqarpat aaqqissuussinermut peqataasut namminneq kommunerisaminnut aallartinnatik coronamik tunillatsissimannginnermut uppernarsarneqaqqaassapput.

- Timersoqatigiit kattuffianniit nalunaarut assorujussuaq nuannaarutigaarput aamma qularinngilara kattuffiit ilaasortavut sinnerlugit taamatut oqaaseqarsinnaallunga, GIF-imi siulittaasoq Nuka Kleemann KNR-imut oqarpoq.

AAMMA ATUARUK Nunatsinnut angalasoqarnissaanut killilersuinerit apriilip 18-ianut sivitsorneqartut

Kommuneniilli arlalinnit peqataasoqarluni aaqqissuussissagaanni arlalinnik piumasaqaatitaqarpoq. Peqataasut 50-nit amerlaneruppata nakorsaaneqarfimmiit akuersissummik qinnuteqartoqassaaq.

Qilanaarutissaq pingaarutilik

Aaqqissuussat annertunerusut illoqarfinni aalajangersimasuni taamaallaat pisinnaapput.

tamakkerlugu unammersuartoqarsinnaalermat, Nuka Kleemann oqarpoq, nangillunilu:

- Nunatsinni unammersuarsinnaalerneq timersortartunut assut qiimmaallaataassaaq. Neriuutigilluinnarpara nuna tamakkerlugu aaqqissuussisinnaanermut ammaassineq apriilip kingorna aamma atuussinnaassasoq, Nuka Kleemann oqarpoq.

Taassuma erseqqissarpaa annertuunik aaqqissuussinissamut ilaasortat siunnersornissaannut piareersimallutik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat