GIF aamma MIBB suleqatigiilerput
Suleqatigiilerneq kattuffiup aamma peqatigiiffiup nukittuffimminnik paarlaasseqatigiissinnaalernerannik kingunessaaq, meeqqattalu ineriartornissaanut suli annertunerusumik suleqatigiissuteqarfigisinnaanngussallugit. Tamannalu timitalerneqarpoq MIBB-i GIF-ip allaffeqarfianut nuunneratigut. GIF allaffeqarfia nutaaq Issortarfimmi nuummiittumi inissisimavoq Elite Greenland ilaatigut allaffeqarfeqatigalugu.
- MIBB allaffeqarfeqatigilernerasigut suli annertunerusumik piginnaasagut atorsinnaalerpagut, inuiaqatigiinnullu suli annertunerusumik allanngueqataalersinnaalerluta,Carsten Olsen, GIF-imi allattaneq taamak oqarpoq.
Timersorneq tassaavoq tusintilikkaat timersortartut aamma nammineq kajumissusertik atorlugu meeqqanik inuusuttunillu sammisaqartitsineq, inuiaqatigiillu naleqartitaanik annertusaaqataasut. GIF ukioq manna ukiuni 60-inngortorsiortumi, suleriaatsimik nutaamik pilersitsivoq ilaatigut anguniarlugu meeqqat inuusuttullu piginnaasaat qaffassarniarlugit. Pikkorissaanerit sammisaqartitsinerillu inerisarneqassapput, siunissami meeqqat inuusuttullu timersortartut imminnut ataqqeqatigiinnerannik annertusaasussamik.
Pissusissamisoorluinnarpoq MIBB-i meeqqat pisinnaatitaaffii pillugit qulakkeerniarlugit suliniuteqartoq Timersoqatigiiffiit Kattuffiannik suleqateqalerneq.
- MIBB-ip suliaasa annersaraat meeqqat pisinnaatitaaffii pillugit inuiaqatigiit ilisimaneqarnerulernissaat. Inersimasut akisussaaffigaat meeqqat pisinnaatitaaffii malinneqarnissaat taamaattumik GIF-i suleqatigilernera iluaqutaassaaq, taakkumi timersortartunut namminerlu kajumissutsiminnik sulisunik annertuumik attaveqaateqarput, aammattaaq meeqqat inuunerinnerulernissaannik sulissuteqartuullutik, Nivé Heilmann MIBB-imi suliamik aqutsisoq taamak oqarpoq.
GIF aamma MIBB-ip siullertut suliassaat tassaavoq timersornerup iluani meeqqanik sullissisut meeqqanik pinerliisimannginnermut uppernarsaateqarnissaat piumasaqaataalissasoq, taassumallu qulakkeerneqarnissaa.